Occidental Mindoro 
Sa pamamalagi ni Gov. Ed Gadiano sa bayan ng Lubang naging katuwang niya ang Provincial Cooperative Development Office sa pagsasagawa ng Pre-membership education seminar para sa mga nagnanais na magbuo ng kooperatiba, Disyembre 11, 2022.
Dalawang grupo ang dumalo mula sa bayan ng Lubang, ang Tangal Marketing Cooperatives mula sa Barangay Tangal at Masagana Agricultural Farmers and Fishermen Cooperatives mula naman sa Barangay Maligaya na malugod na ginabayan ng PCDO sa pangunguna ni Ms. Adelfa Hornilla.
Ito ay dinaluhan ni EA V Marylou G. Cologan na nag-alay ng kanyang mensahe mula sa Pamahalaang Panlalawigan para sa mga kooperatiba. Naroon rin si Municipal Cooperative Development Officer Daisylyn Busque na siyang naging katuwang ng opisina sa pakikipag-ugnayan sa mga koopertibang nais na dumalo sa isinagawang seminar.
